استفسار لو سمحتو

السلام عليكم ورحمته الله وبركاته

انا حبيت استفسر عن اماكن الصيد واوقات الصيد بالسناره في القطيف او الدمام او الخبر

ثاني شي ابغى اعرف من وين اشتري الطعم الصناعي



وربي يعطيكم العافيه

هلا اخوي وعليكم السلام

حياك الله بيننا في بحارة القطيف

انا بعطيك بعض المحادق وان شاء الله تعجبك وتودم فيها

1 - القطيف حي الشبيلي على الكورنيش (الصيد شعم وقرقفان اوقات الصيد الصباح والعصرللمغرب

2- على الجسر عند مدخل الماء الصيد عريضي وقرقفان ومجوه الصيد من المغرب حتى الفجر
3- الشاطي ودارين الكرنيش منوعات الصيد العصرللمغرب في الشاطي ودارين للفجر

4 - الدمام بجنب الحكير الصيد عريضي وجنم وفسكر الصيد المغرب والفجر
5 - الدمام فرضة متعب الصيد عريضي وجمجام (وجموم) وفيه صبيطي مدطفاحي
6- الخبرعند المسجدفي الكرنيش الصيد الصباح او العصر

خلاص ادا عجبك المحادق عطيناك الباقي

تحياتي لك ويعافيك ربي

يعطيك ربي الف عافيه

بس حبيت اخوي استفسر عن الطعم الي تستخدمه لانا احنا هالايام نصيد بس كله صغار
والطعم ربيان ومصارين

هلا حياك ساقي الارواح
شوف اخوي ادا تبغي تصيد وتتفادا صيد السمك الصغير حاول دايم الصيد يكون من بعد المغرب وتحط ميدار مقاس 12 او 11 هدا للسمك المتوسط مثل العريضي والمزيزي والطعم خثاق اوميداوجواف مقطع اوصال للمزيزي اما العريضي يستخدم له الربيان او ابومحيسن قبقب صغير تحصلة تحت الحجر على الكرنيش تصيده بالليل وادا تبغي اصبيطي استخدم له ميدار رقم 7 او 8 وتحط له ميداومصران او جواف اوخثاق
تحياتي لك